إلْفوندو / المغرب
قدر العداء البريطاني جوش كير، اليوم السبت، يكتب اسمو فالتاريخ بعدما حطم الرقم القياسي العالمي ديال سباق الميل، اللي كان صامد من عام 1999 باسم البطل المغربي هشام الكروج.
كير سجل توقيت خيالي وصل لـ3 دقايق و42 ثانية و66 جزء من المائة، وبهذا كسر الرقم اللي كان مسجلو هشام الكروج فمدينة روما الإيطالية، واللي كان 3 دقايق و43 ثانية و13 جزء من المائة، وبقى محافظ عليه لمدة 27 عام كاملة.
الرقم القياسي ديال الكروج كان من بين أشهر وأقوى الأرقام فرياضة ألعاب القوى، حيث حاول بزاف ديال العدائين العالميين يوصلو ليه، ولكن ما قدر حتى واحد يكسرُه طوال أكثر من ربع قرن.
ورغم ضياع الرقم القياسي العالمي، كيبقى هشام الكروج واحد من أعظم العدائين فالتاريخ، بعدما بصم على مسيرة استثنائية بالألقاب والأرقام، وخلى اسم المغرب مكتوب بحروف من ذهب فرياضة ألعاب القوى.
