إلْفوندو / طنجة
عرفات دورة مجلس مقاطعة مغوغة بطنجة، اليوم الأربعاء، واقعة غير مسبوقة، أولا بعد تأخر انطلاق اشغال الدورة لساعة ونصف، ثم بعدما تْلفظ المستشار الجماعي ‘يونس’، خلال المداخلة ديالو، بعبارة نابية مي قال:”.. شكون هاد… خسو يكون عندو كوخونيسْ دْنحاس..” وهي كلمة إسبانية تعني: الفْويلات”، وهو اللي خلق ضجة كبيرة وسط القاعة.
هاد التصرف دفع عددا من النساء المستشارات إلى الانسحاب من أشغال الدورة احتجاجا على استعمال كلام غير لائق داخل مؤسسة منتخبة، اللي من المفروض تكون فضاء للنقاش المسؤول والاحترام المتبادل بين جميع الأعضاء.
وبحال هاد السلوكات كتعطي صورة سلبية على المجالس المنتخبة، وكتزيد توسع الهوة بين المواطنين والسياسة، وكتخلي شريحة كبيرة تعزف على المشاركة والتصويت فالانتخابات، خصوصا ملي كيتحول النقاش حول قضايا الساكنة إلى تبادل للعبارات النابية.
وحسب معطيات وصلات لـ«إلْفوندو»، كاين احتمال تتحرك مصالح وزارة الداخلية لبحث ظروف هاد الواقعة وترتيب الآثار القانونية والإدارية الممكنة، فانتظار صدور أي موقف رسمي بخصوص الموضوع.
