إلْفوندو / القنيطرة
فْتحات النيابة العامة بالقنيطرة بحث قضائي على خلفية تصريحات خرج بها واحد المرشح للانتخابات التشريعية المقبلة، خلال تجمع حزبي، وتداولاتها مواقع التواصل الاجتماعي.
وحسب بلاغ للوكيل العام للملك لدى محكمة الاستئناف بالقنيطرة، فالمرشح المعني صرح بأن كمية مهمة من المخدرات ممكن تستعمل الفلوس المتحصلة منها فالتأثير على العملية الانتخابية، وهو الكلام اللي دفع النيابة العامة للتحرك وفتح تحقيق باش تعرف جميع الظروف والحيثيات المرتبطة بهاد التصريحات.
وأكد الوكيل العام للملك أن هاد الخطوة كتدخل ضمن الدور ديال النيابة العامة فالسهر على سلامة ونزاهة الانتخابات، مشيرا إلى أن نتائج البحث غادي يترتب عليها اتخاذ الإجراءات القانونية اللازمة، وفق ما غادي تكشف عليه التحقيقات.
