إلْفوندو / طنجة
مثل عمدة طنجة منير ليموري، اليوم الأربعاء 4 نونبر 2026، من جديد قدام قاضي التحقيق بمحكمة الاستئناف بطنجة، فإطار التحقيق التفصيلي فالقضية المعروفة إعلاميا بـ”صاك الانتخابات”، واللي كيتابع فيها 8 ديال الأشخاص، من بينهم العمدة.
وحسب مصادر إلفوندو، فإن ليموري حضر رفقة المحاسب ديال الشركات المملوكة ليه، واللي حتى هو متابع فنفس الملف.
وأضافت نفس المصادر أن قاضي التحقيق استنطق العمدة لساعات طويلة، بعدما طرح عليه مجموعة من الأسئلة المرتبطة بالقضية، فيما مازال الاستنطاق متواصل إلى حدود كتابة هاد السطور.
وكيجي هاد الاستنطاق فإطار مواصلة التحقيقات التفصيلية الرامية للكشف عن جميع ملابسات القضية، اللي أثارت جدل واسع فالمغرب بأكمله.
