إلْفوندو / طنجة
حْسمات غرفة الجنايات الاستئنافية بمحكمة الاستئناف بطنجة، فالساعات الأولى من صباح اليوم الجمعة 6 نونبر، فالملف ديال التيكتوكر المعروف بـ”مولينيكس” ووالدة آدم بنشقرون، بعدما قررات تأييد الحكم الابتدائي فحق مولينيكس بـ6 سنين ديال الحبس النافذ، مقابل تخفيض العقوبة ديال والدة آدم بنشقرون من 6 لـ5 سنين.
وكتعود تفاصيل هاد القضية لمتابعات قضائية مرتبطة بالاستغلال الجنسي لقاصر، واستعمال مواقع التواصل الاجتماعي فأنشطة متعلقة بالدعارة، إضافة لتهم نشر وحيازة محتويات إباحية كتهم قاصر، والمساس بالحياة الخاصة والإخلال العلني بالحياء.
وكانت غرفة الجنايات الابتدائية سبق ليها حكمات على المتهمين بجوج بـ6 سنين ديال الحبس النافذ لكل واحد، مع غرامة مالية قدرها مليون درهم، والإغلاق النهائي للحسابات ديالهم فمواقع التواصل الاجتماعي.
وبهاد القرار، تكون محكمة الاستئناف بطنجة ثبتات العقوبة الحبسية ديال “مولينيكس”، فيما استفادات والدة آدم بنشقرون من تخفيض عام واحد من العقوبة ديالها.
