إلْفوندو / طنجة
العنوان حقيقي وماشي كذوب، حيث صاحب الطلب طرق جميع الأبواب باش يتحصل على رخصة لمقهى ومطعم (الشيشة) بطريق طنجة البالية تابعة لمقاطعة مغوغة، سبق وتم سحب الرخصة واقفال المحل من طرف السلطة العام لي فات، وعرض (مولاها) مبالغ كبيرة يسيل لها اللعاب على منتخبين وسْمسارة وصلت ل150 مليون ولم ينجح، حيث الأمر فيد الوالي وميقدرش حتى واحد يخالف تعليماته.
هاد الشيشة تابعاها لْعَيْن، حيث سبق وقامت ضجة على رشوة تم تقسيمها داخلين فيها حتى منتخبين، من أجل الحصول على الرخصة، وبعد وقت قصير داهمت السلطات الأمنية والمحلية هذا المقهى، وضبطت كميات كبيرة من المعسل والنرجيلة، وصيفطو مول الشيشة لساتفيلاج.
مصادر إلْفوندو، كْشفت أن هاد المقهى كعمل رقم معاملات خيالي في اليوم، كتوصل كاخا ديالو ل70 مليون فاليوم، حيث كشتغل حتى 6 ديال الصْباح، ويُوفر للزبائن ميزة After، وهو ما جعله قبلة لعشاق القْصاير حتى تطلع الشمس.
