إلْفوندو / أبو نهى
وخا داز على حفل الولاء لي تقام فمدينة تطوان أكثر من شهرين، ما فيه باس نعملو پلاي باك ونرجعو شويا الى الوراء، بعد ما توصلنا بصورة للضيوف والشخصيات الذين مثلوا مدينة طنجة، وعلى حسب صورة المقال، نجد عمدة المدينة منير ليموري، وفهد باحيد رئيس فريق مجد طنجة لكرة السلة، وأحمد بناني صاحب مقاولة للبناء.
ليموري عادي توجهلو الدعوة لأنه يمثل الجماعة، وباحيد هادي يتم توجيه له الدعوة حيث الفريق ديالو رجال وإناث فازوا بكأس العرش، وأحمد بناني علاش حضر وشكون لي وجهلو الدعوة!!؟، السيد عندو مقاولة للبناء بحالو بحال مئات المقاولين فالمدينة، فعلاش هذا بالظبط؟، سؤال حيّْر العلماء.
بعض الأجوبة لي توصلنا بها متباينة، كاين لي كقولك آسيدي السيد شعرو زْعر وعينيه خضرين بمعنى كْواپو كِحَمّر الوْجه، وكايْن لي كِقولك السيد كْلاس ويجب يْتواجد فالأماكن كْلاس، وكاين لي كِقولك السيد عندو علاقات مع دار المخزن ووطني، ولكن هذا ماشي جواب مُقنع حتى هو!، وَحْنا كاملين ولاد المخزن ووطنيين حتى النخاع ونموتوا من أجل ملكنا وبلادنا، إذن كايْن شي سبب أخر وراء دعوة أحمد بناني لحضور حفل الولاء، سؤال نعدكم بالإجابة عنه قريبا بعد البحث والتدقيق والتْبركيك ديالنا.
