إلْفوندو / طنجة
تمكنت عناصر الديوانة والأمن العاملة بجهاز السْكانير بميناء طنجة المتوسط صباح اليوم الثلاثاء من احباط عملية تهريب أكثر من طن ديال الحشيش، كانت مخبعة فْتشاصي ديال الرموكة، إلا أن عيون المراقبة بانت لها شي حاجة ماشي هي هاديك فالسْكانير، وقلبوها للتفتيش اليدوي باستعمال آلات حديدية، حتى وصلو للحشيش، ليتم اعتقال السائق 34 سنة على الفور.
الرْموكة مسجلة فإسم شركة مغربية، وپيجي ديال الميناء خدامين على القضية باش يوصلو للباطرون وشركاؤه فهاد العملية.
مصادر إلْفوندو قالت أن هذه الشحنة تعود ملكيتها لشبكة بدأت موسم تهريب الحشيش عبر ميناء طنجة المتوسط على بكري هاد العام، وهاد الشبكة يقودها صاحب مقشدة قرب مدارة تريال أطلس، وشريكه لي كان بطل القْصارة فالصيف وصْرف فلوس كبيرة على لالة ومالي، وغالبا ما تكون وجهة شحنات الحشيش التي تغادر الميناء أحد المستودعات بمدينة برشلونة.
