إلْفوندو / طنجة
ماشي ضروري تْكون من أصحاب السوابق القضائية باش تاخد صفة “شْبيرة” يكفي تكون رئيس جماعة أو نائب فمجلس المستشارين، والدليل عْلى هاد الكْلام، هو ما وقع فمؤتمر حزب الإستقلال بطنجة يوم السبت لي فات، حين قام هاد البرلماني بجلب حبّاسة وولاد السوق مسلحين ودخلو للمؤتمر بالصحّة، باش يهرسو المؤتمر ودك ساعة بزز منهم قيادات الحزب يتفاوضو معهم ويفرضو الناس ديالهم فالمؤتمر الوطني للحزب.
قيادي من حزب الإستقلال من طنجة قال لإلْفوندو، : “وْصلتنا معلومة من قْبل، بأن هاد رئيس الجماعة غادي يجيب بلطجية بتنسيق مع صحاب تطوان من تيار معادي لنزار بركة الأمين العام، عْليها استقدمنا 12 عنصر من الأمن الخاص، ومع مناضلي الحزب الأوفياء وقفنا لهم بالمرصاد، وكُلشي تضرب ليهم فْالزيرو..”.
واحد المثقف وتعليقا على الموضوع، قال:”كيفاش بغيتو المراطن يتيق فالأحزاب، ومازال عاد النوع من السياسيين عايشين معنا بعقلية “الشْبيرات”، والغريب تتم تزكيتهم للبرلمان من طرف زعماء الاحزاب، علاش حيث عندهم الشْكارة”، هزلت والسلام.
