إلْفوندو / طنجة
مع اقتراب موعد انتخابات البرلمان بطنجة، الشكوك كتزاد ودقات القلوب كتسرع، خصوصا عند صْحاب القلب والسكر والطونسيون..، الأخبار القادمة من الرباط ومن داخل مطابخ الأحزاب الكبرى اللي ضامنة 5 مقاعد فالمدينة، كتأكد أن الصدمة كبيرة حتى اللّي ظنوا أن التزكية مضمونة ليهم.
آذان إلْفوندو التي لا تخطئ السمع، سْمعت أن أحزاب التحالف غادي ترشح وجوه جديدة، وهاد التوجه الجديد كيعني أن اللي كان كيحسب أنه غير يوفر الدعم المالي الكامل للحملة وغادي يدي التزكية، غادي يْتصدم، أما اللي ممنوعين بسبب القانون الجديد أو أحكام قضائية أو فاقدين لأهلية الترشح، راه الوضع واضح وما كاينش كلام عليهم.
الكل فطنجة متفق أن الانتخابات المقبلة غادي تجيب مفاجئات كبيرة بالنسبة لوكلاء اللوائح ديال الأحزاب الكبرى، وغادي تهز الموازين فالمدينة.
