إلْفوندو / الرباط
فقرار مفاجئ، أعلنت لجنة الاستئناف التابعة للكاف اليوم الثلاثاء، باللي قبلات الاستئناف ديال الجامعة الملكية المغربية لكرة القدم، وقررات تعتبر المنتخب السنغالي منهزم بالانسحاب فنهائي كأس إفريقيا المغرب 2025، وبهذا تعطى الفوز للمغرب بثلاثة لزيرو.
اللجنة وضحات باللي القرار جا بعد مراجعة المادتين 82 و84 من قانون البطولة، واعتبرات باللي التصرفات ديال المنتخب السنغالي كتدخل فهاد المخالفات، وبالتالي تم إلغاء القرار السابق ديال لجنة الانضباط واعتماد فوز المغرب رسميا باللقب.
وفما يخص العقوبات، تقرر تخفيف العقوبة على اللاعب إسماعيل صيباري، بحيث تولات جوج مباريات توقيف مع توقيف مباراة وحدة، وتم إلغاء الغرامة المالية اللي كانت 100 ألف دولار.
ومن جهة أخرى، تخفضات الغرامة على الجامعة المغربية بخصوص جامعي الكويرات لـ50 ألف دولار، مع التأكيد باللي الجامعة مسؤولة على هاد التصرف، فحين بقات الغرامة ديال الدخول لمنطقة الفار كما هي 100 ألف دولار.
كما تقرر تخفيض غرامة حادث الليزر لـ10 آلاف دولار، ورفض باقي الطلبات اللي كانت مقدمة فهاد الملف.
وبهاد القرار، كيكون المنتخب المغربي توج رسميا بلقب “الكان” فواحد من أكثر النهايات إثارة للجدل فالتاريخ.
