إلْفوندو / المغرب
كشفت الحلقة السابعة من تسريبات مجموعة “أطلس هاكس” معطيات جديدة على الملف اللي كيتعلق بحملات التشهير والابتزاز، واللي كيتصدرها التيكتوكر المغربي هشام جيراندو بمعية المهدي الحجاوي، المطلوب للعدالة والموظف السابق بالاستخبارات الخارجية.
وكتبين المحادثات المسربة أن جيراندو ولى غارق فالمشاكل القضائية بكندا، واعترف بأن مصاريف المحامين والملفات اللي مرفوعة ضدو “فرعاتو”، الشي اللي خلاه يحيد عدد من الفيديوهات ديالو باش يتفادى الغرامات اللي كتفرضها المحاكم.
التسريبات بينات حتى وجود خلاف بين جيراندو والحجاوي، بعدما عاتب هاد الأخير جيراندو على نشر محتويات ماكانش متفق عليها، وطالبو يوقف النشر ومايبقاش يجيب السمية ديالو.
وهاد المعطيات كترجع الملف للواجهة من جديد، وسط ترقب كبير لشنو غادي تكشف عليه الحلقات الجاية من التسريبات، واللي ممكن تفضح معطيات جديدة على هاد القضية.
