إلْفوندو / طنجة
قررت الغرفة الجنحية الاستئنافية فمحكمة طنجة تنقص العقوبة الحبسية ديال التيكتوكر آدم بنشقرون، من ثلاث سنين حتى لجوج سنين حبس نافذ، وهاد القرار جا من بعد ما تعاود تدرس الملف فمرحلة الاستئناف.
الجلسة دازت بشكل سري، حيث الملف مرتبط بما كيتسمى بقضايا الأخلاق العامة، عكس المرحلة الابتدائية اللي كانت علنية وحضرو ليها وسائل الإعلام.
القضية بدات من شكايات داروها الجيران ديالو فحي دار التونسي فطنجة، اللي اشتاكيو من تصرفاتو وسلوكيات اعتبروها خارجة على الحدود، وزاد عليها نشر محتويات فالسوشيال ميديا اللي تشافو أنها مخلة بالحياء العام.
وكان الحكم الابتدائي حكم عليه بثلاث سنين حبس نافذ، وزاد عليها قرار كايمنعو من استعمال مواقع التواصل الاجتماعي لمدة عشر سنين، بسبب تهم نشر محتوى غير لائق والإخلال بالحياء العام، وحتى الإزعاج المتكرر ديال الساكنة.
