إلفوندو / اسبانيا
فواحد المشهد اللي كيحشم، تصورات الكاميرات تصرفات مخزية لبعض جماهير أتلتيكو مدريد فشوارع برشلونة، قبل ماتش ذهاب ربع نهائي دوري أبطال أوروبا.
فيديوهات تداولوها الناس بينات جماعة من الأنصار كيرددو شعارات وهتافات عنصرية ومسيئة ضد المسلمين، ومن بينها “المسلم هو من لا يقفز”، بطريقة جماعية ومستفزة، الشي اللي خلق موجة غضب كبيرة فالسوشل ميديا ومطالبات بمعاقبة المسؤولين.
هاد التصرفات كتبقى نقطة سوداء ماشي غير فصورة النادي، ولكن حتى فالقيم ديال الرياضة والروح الرياضية اللي خاصها تكون حاضرة فبحال هاد التظاهرات العالمية.
وجا هاد الحادث فواحد الوقت اللي كتنادي فيه الهيئات الكروية الدولية بمحاربة العنصرية والإسلاموفوبيا فالملاعب الأوروبية، ومن المرتقب يتفتح تحقيق باش يتحددو المسؤولين على هاد الأفعال اللي كتشعل الكراهية وكتفسد المتعة ديال الكرة.
