إلْفوندو / اسبانيا
كشف تقرير حديث صادر عن المجلس العام ديال الموثقين فاسبانيا بلّي المغاربة واصلين الحضور القوي ديالهم فالسوق العقاري، بحيث خداو نسبة 7,7 فالمية من مجموع عمليات الشراء ديال الأجانب فالنص الثاني من العام اللي فات، بما يفوق 5150 عملية، وبهذا جاو فالمرتبة الثانية مباشرة من بعد البريطانيين، وسبقو الطاليان والألمان.
وحسب نفس المصدر، الأجانب اللي ما مقيمينش فـإسبانيا كيبقاو هما اللي كيشريو بأثمنة طالعة، بحيث وصل متوسط الثمن اللي كيخلصوه تقريبا 3242 أورو للمتر المربع، فالمقابل الإسبان كيبقاو أقل بمتوسط ما كيتعداش 1839 أورو للمتر.
ومن جهة أخرى، عرفات عمليات البيع والشراء ديال العقار من طرف الأجانب واحد التراجع بنسبة 4,4 فالمية فالنص الثاني من العام الماضي مقارنة مع نفس الفترة ديال 2024، بحيث استقر العدد ديال العمليات فـ أكثر من 66 ألف صفقة.
