إلْفوندو / المغرب
قررات سلطات جبل طارق توقف بشكل نهائي الخط البحري ديال العبارات اللي كيربطها بالمغرب، بعد أكثر من 20 عام من الخدمة. هاد القرار جا مع قرب تطبيق الاتفاق الجديد بين بريطانيا والاتحاد الأوروبي.
وكتقول التقارير أن السبب الرئيسي هو أن استمرار هاد الخط كان غادي يفرض وجود دائم للشرطة الإسبانية داخل ميناء جبل طارق لمراقبة المسافرين وفق قواعد “شنغن”، وهو الأمر اللي رفضاتو سلطات جبل طارق، وفضلات تسالي الخط البحري نهائيا.
وأكد رئيس حكومة جبل طارق، فابيان بيكاردو، أن الرحلات السياحية ديال “الكروازيير” ما غاديش تتأثر بهاد القرار، حيث إجراءات المراقبة ديالها كتكون فموانئ الانطلاق والوصول.
