إلْفوندو / طنجة
فرحات ساكنة طنجة بزاف من بعد ما حل سيدنا بالمدينة باش يدوز فيها جزء من العطلة الصيفية ديالو، وهاد الزيارة خلات مختلف المصالح تدخل فحالة استنفار، بينما المواطنين كانوا سعداء وهم كيشوفو الملك كيتجول فشوارع المدينة بكل عفوية، كيسلم على الناس وكيبادلهم التحية بلا بروتوكول.
وفالمقابل، كيتداول فالأوساط المحلية أن الشركاء ديال مشروع ڤيلات سكنية فواحد الموقع الاستراتيجي عايشين حالة ديال الترقب والتخوف، حيث كاين اللي كيشوف أن هاد العقار كان خاصو يكون فضاء أخضر ومتنفس طبيعي يزيد فجمالية طنجة ويستافد منو السكان والزوار، ماشي مشروع سكني.
وحسب اللي راج، فإن الجرافات والآليات اللي كانت خدامة فالمشروع وقفات خلال الأيام الأخيرة، وسط كلام كيربط هاد التوقف بالخوف من مرور الملك بالطريق الرئيسية القريبة من الورش، والانتباه ديالو للمشروع، وهو الشي اللي كيخلي البعض كيتوقع إمكانية اتخاذ قرار يوقف الأشغال ويحول المكان لفضاء أخضر.
