إلْفوندو / فرنسا
إدارة مارسيليا قررات ترقية الدولي المغربي السابق، مهدي بنعطية، من مستشار رياضي لمدير الكرة فالنادي، حيث شافو أنه خدم مزيان فالفترة الأخيرة، رغم الانتقادات اللي تعرض ليها فالبداية.
بنعطية غادي يكون عندو دور كبير فاختيار الانتدابات، تنسيق العمل بين المدرب والإدارة، وتقييم الأداء ديال اللاعبين والمدرب، الفريق دابا فالمركز الثاني فالدوري الفرنسي، بفضل 10 انتصارات من أصل 16 مقابلة، وكيحاول ينافس على اللقب، رغم قوة باريس سان جيرمان، وضمان بلاصة فدوري أبطال أوروبا الموسم الجاي.
مهدي بدأ مسيرتو الإدارية بعد ما اعتازل فـ2021، بعد مشوار كبير مع فرق كبار بحال بايرن ميونيخ، يوفنتوس، وروما.
