إلْفوندو / الرباط
المنتخب المغربي دار إنجاز تاريخي من بعد ما ربح منتخب الكاميرون فربع نهائي كأس إفريقيا فوق أرضية ملعب مولاي عبد الله فالرباط، فماتش ما كانش غير تأهل للمربع الذهبي، ولكن تأكيد لمسار طالع وقوة فالنتائج والحضور ديال الكرة الوطنية.
هاد الرباح عطى دفعة كبيرة لأسود الأطلس فالتصنيف العالمي ديال الفيفا، حيث طلع المنتخب المغربي لأول مرة فالتاريخ للمركز الثامن عالميا، وهو أحسن ترتيب يوصل ليه منذ ما بدا تصنيف الاتحاد الدولي لكرة القدم.
وقبل من هاد الإنجاز، أحسن مركز وصل ليه المنتخب الوطني كان هو العاشر، وهاد الشي كيخلي اللي وقع دابا محطة فارقة فمسار الكرة المغربية ورسالة واضحة بأن المنتخب ولى من الكبار عالميا.
