الفوندو / طنجة
اتحاد طنجة حقق فوز مثير على الفتح الرباطي بهدف وحيد لصفر، فالپارديدو لي تلعب اليوم السبت فالعشية فملعب القرية الرياضية فطنجة، وهاد الشي فإطار الجولة 19 ديال البطولة الاحترافية.
فارس البوغاز سجل الهدف الوحيد فالدقيقة 37 عن طريق اللاعب علي الحراق، ولكن فالدقيقة 69 ضيع جواد الغبرة ضربة جزاء كانت غادي تزيد الفارق.
بهاد الفوز، اتحاد طنجة سد الطريق على الفتح الرباطي لي كان داير سلسلة ديال 5 انتصارات متتالية، وحقق ثاني انتصار ليه على التوالي، ورفع رصيده لـ22 نقطة باش يطلع للمركز العاشر فالتصنيف.
