إلْفوندو / الناظور
عمالة الناظور علنات على مشروع ملعب جديد ديال الكرة بسعة 20 ألف متفرج وعلى مساحة 20 هكتار، ف إطار شراكة بين وزارة الداخلية، وزارة الرياضة، الجامعة الملكية المغربية لكرة القدم، والجهة الشرقية.
هاد المشروع غادي يعزز البنية الرياضية فالمنطقة، وغادي يخلي الناظور قادرة تحتاضن منافسات كبرى، بحيث غادي يتبنى بمعايير “فيفا” الدولية، ويكون فيه مدرجات مريحة، شاشات عملاقة، ومرافق ترفيهية حديثة.
إلى جانب القيمة الرياضية ديالو، المشروع عندو حتى تأثير اقتصادي واجتماعي، بحيث غادي يوفر فرص شغل خلال الإنجاز، وغادي يحرك الاقتصاد المحلي من بعد ما يكمل. هاد الشي جا استجابة لمطالب ديال الساكنة اللي بغاو ملعب في المستوى ديال المدينة وطموحاتها الرياضية.
