إلْفوندو / فاس
أولمبيك آسفي دخل لتاريخ الكرة المغربية من الباب الكبير، بعدما فاز بكأس العرش لأول مرة فحياتو، بعد ما تغلب على نهضة بركان فنهائي مشدود الأعصاب بركلات الترجيح (6–5)، فالملعب الكبير ديال فاس، مساء الأحد 29 يونيو 2025.
الماتش سالى فـ90 دقيقة والأشواط الإضافية بالتعادل (1–1)، حيث سجل الرحولي الهدف الأول لآسفي، وردّ عليه دايو من ضربة جزاء قبل نهاية الشوط الأول، الحارس خالد العلوي كان نجم اللقاء، تصدى لضربة جزاء فالشوط الثاني وكان حاضر بقوة فـ ضربات الترجيح.
اللقب جى كمكافأة لمجهودات كبيرة دارها الفريق هاد الموسم، والفرحة كانت كبيرة وسط الجماهير المسفيوية اللي تقاطرات على فاس، من جهتو، نهضة بركان ضْيع فرصة إضافة لقب رابع فـخزانته.
