إلْفوندو / تطوان
خيم الحزن فـ المدينة القديمة ديال تطوان، بعدما طاح دار فحي “المطامر” فليل الجمعة السبت، وخلا وفاة جوج دري صغار خوتهم عندهم 6 و7 سنين.
الوقاية المدنية والسلطات تزلو للمكان بسرعة، وقدرو يخرجو الجثث من تحت الردم ويتنقلو لمستودع الأموات فمستشفى سانية الرمل.
المأساة تزادت قساوة حيث العائلة كانت مزال فاقدة الأب ديالها من أسابيع، وخسرو دابا جوج من ولادو، وخلا صدمة كبيرة عند الأم والجيران.
السكان طلعو الصوت وكيطالبو بتدخل عاجل حيث بزاف ديال الدور فالحومة مهددة بالسقوط، وكيخافو يتعاود نفس السيناريو، وطالبو بحلول سريعة إما بالإصلاح ولا توفير سكن آمن.
