إلْفوندو / تِطاوْن
اعتقلت عناصر bnpj ولاپيجي تطوان البارح الأربعاء بزناس طنجاوي وموزع كْبير ديال الكوكايين فالشمال، إسمو عدنان وملقب ب”بَطاطا”، داخل منتجع سياحي sania plage بالرينكون.
مصادر إلْفوندو قالت أن البزناس “بَطاطا” عندو 6 ديال مذكرات “الروشيرْش” من bnpj ديال كازا وطنجة، على خلفية تورطه في ملفات الاتجار الدولي في الكوكايين والمخدرات القوية.
عيون إلْفوندو، قالت أن عشرات رجال الأمن بزي مدني انتشروا فْمنتجع “سانيا پلاج”، وبمجرة ظهور “بَطاطا” فالبحر، نقزوا عليه وقطنوه بالمينوط، واقتادوه صوب شقته لتفتيشها.
وقال مصدر خاص، أن عدنان “بَطاطا” من الموزعين الكبار ديال “البْياط” ويبيع الكوكايين بكميات كبيرة، وكان متبوع من عند الاجهزة الأمنية منذ مدة، وكان صعيب يتلقى القبض عْليه.
وللاشارة، فمنتجع “سانيا پلاج” عامر بالبزناسة وصْحاب الروشيرش يستغلون فصل الصيف والدنيا عامرة للإختباء، وغير دخلوا صْحاب المينوط، خْوات پلايا وبقاو فيها غير الاطفال والنساء، كثرة الهم كتضحك.
