إلْفوندو / أزيلا
حزب البام قْدر يحافظ على المقعد ديالو فالدائرة الأولى بمدينة أصيلة، فانتخابات جزئية عملوها البارح الثلاثاء 22 أبريل، بعد وفاة المستشار محمد بن عيسى اللي كان شاد هاد المنصب لأكثر من 45 عام.
المرشح ديال “البام” عبد السلام بلهردية هو اللي فاز، وجاب 142 صوت من أصل 237، متفوق على عبد الرحيم اللوديي من الاتحاد الدستوري اللي جاب 78 صوت، ومصطفى الطليكي من الاستقلال اللي جاب غير 3 أصوات.
عدد الأصوات الملغاة وصل لـ14، وكانو المصوتين رجال ونساء، 133 راجل و104 مرا، بنسبة مشاركة مهمة تجاوزات 57.30%، من أصل 414 ناخب فالقائمة الرسمية.
بهاد النتيجة، حزب الأصالة والمعاصرة بقا محافظ على نفس عدد المقاعد اللي حصل عليهم فانتخابات 2021، اللي هما 23 من أصل 30، الاتحاد الدستوري عندو 6 والاتحاد الاشتراكي عندو مقعد واحد.
المجلس الجماعي ديال أصيلة غادي يدير أول دورة ليه مع الرئيس الجديد طارق غيلان نهار 6 ماي، بعدما تعوض المرحوم محمد بن عيسى اللي كان فهاذ المنصب لأكتر من 4 عقود.
