إلْفوندو / سيتة
الكْوارديا سيڤيل فْسبتة اعتقلوا شخص مغربي يوم الاربعاء وحجزو كمية خيالية ديال المعسل وصلات لطن و200 كيلو, الشك كان كيحوم حول تورطه فْالتهريب.
القضية بدات منين دورية ديالهم كانت كتراقب جنب مارينا هيركوليس, شافو المعني كيحمل صِيكان وكيطلعهم ليخت فاخر, المنظر بان مشبوه وخلاهم يتحركو بسرعة.
منين دخلو لليخت وقلبوه لقاو الشْكاير عامرين، من بعد الفراغ لقاو فيها معسل موزع ْبلاستيكات بأوزان مختلفة، الكمية كاملة طلعت لْطن و200 كيلو.
اليخت مسجل فْالمغرب وكانت نقطة الانطلاق ديالو من ميناء كابيلا وباغي يرجع ليه, هاد المعطيات كَتْقوي فرضية أن الهدف كان تهريب الشحنة عبر البحر، دابا التحريات مفتوحة باش يْبينو تفاصيل القضية ويعتقلوا كل المتورطين.
